Հայաստանի Ալիանս Ֆրանսեզ

Հայաստանի Ալիանս Ֆրանսեզը հիմնադրվել է 2003թ.-ի ապրիլի 2-ին: Կառույցի հիմնական անձնակազմը, լինելով մեծամասամբ «Ֆրանսերեն դասավանդողների հայկական ասոցացիայի» անդամները, ֆրանսերենի տարածումն և ուսուցումը դարձրին նորաստեղծ Ալիանսի առաքելությունը:

Այժմ Հայաստանի Ալիանս Ֆրանսեզը ունի 10 ուսուցիչ, որոնք բոլորն էլ ունեն ֆրանսիական կրթություն, շարունակական վերապատրաստումներ են անցնում ֆրանսերենը որպես օտար լեզու դասավանդման ոլորտում և հետևում են դասավանդման բոլոր նորարարություններին:

Հայաստանի Ալիանս Ֆրանսեզը գործում է 4 հիմնական ոլորտում.

• Դասավանդում  և ֆրանսերեն լեզվի միջազգային քննությունների միակ քննական կենտրոնը Հայաստանում. Կազմակերպությունըառաջարկումէբոլորտարիքայինխմբերի` երեխաներ, դպրոցականներ, սովորողներ, աշխատողներ, թոշակառուներև տարբեր մասնագիտություններ ունեցողների նպատակներին և լեզվի իմացության մակարդակին համապատասխան դասընթացներ: 

Հայաստանի Ալիանս Ֆրանսեզը հանդիսանում է DELF/DALF, TCF և TEF ֆրանսերեն լեզվի միջազգային քննությունների միակ քննական կենտրոնը Հայաստանում:  Հիմնադրման օրվանից ի վեր Ալիանս Ֆրանսեզն մասնավորապես համագործակցում է Հայաստանում Ֆրանսիական համալսարանի հետ: Այս համագործակցության արդյունքում Հայաստանի Ալիանս Ֆրանսեզը հանդիսանում է արտաքին գնահատող՝ ստուգելով երկրորդ կուրսի ուսանողների ֆրանսերեն լեզվի իմացության մակարդակը երրորդ կուրս փոխադրվելու համար:

• Դասավանդողների վերապատրաստում. կազմակերպվում են սեմինարներ դպրոցների և բարձրագույն ուսումնական հաստատությունների ֆրանսերեն դասավանդողների համար՝ սերտորեն համագործակցելով Հայաստանի Կրթության և գիտության նախարարության հետ

• Ֆրանսիական մշակույթի տարածում. իրականացվում է գրադարանի և իհարկե մշակութային միջոցառումների կազմակերպման միջոցով ինչպես Հայաստանի Ալիանս Ֆրասեզի տարածքում, այնպես էլ տեղական /այլ կառույցների հետ համագործակցելով: